اللى امشي معاها متجوزهاش ((( لغه الشباب )))

السلام عليكم ورحمه الله وبركاته

موضوع هام وبيتقال كتيييير جدا فى ايامنا دى

ياترى فعلا ده صح؟؟ طيب الغلط عند مين ؟؟؟

البنت غلطانه على طول؟؟ الشاب صياد ماهر؟؟

طيب هو ايه الموضوع تعالو نشوف

اللى امشى معاها متجوزهاش .....جمله اترددت كتير اوى الايام دى.....انا مش عارفه ليه!!؟؟

الشاب يقول مدام انا مشيت مع بنت تبقى البنت دى مينفعش اتجوزهاااا

علشان هيه مشيت معايا وخرجت واتفسحت معاها حبه .....وكمان كان ممكن تعمل كده مع حد غيرى....؟؟

بذمتكوا مش فيه ناس كتير اوى بتقول كده...ولا ايه؟؟


طيب البنت اللى تمشي معاك عشان انتوا بتحبوا بعض يبقى هي وثقت فيك لو انت فكرت في كده يبقى انت مش اهل للثقة

لكن لو مشيت معاك تضيع وقت وخلاص يبقى فعلا دي متفكرش فيها طبعا

طب البنت دى اكيد انت تعرفها كويس

انت تضمن منين بقه ان البنت اللى هتخطبها او اللى هتتجوزها جواز صالونات مش تبقى عملت كده مع كتير غيرك؟؟؟؟؟؟؟

الصح فين ؟؟ والعيب فى مين ؟؟؟


عايزه اعرف رايكم فى مبدأ الشباب ده بس بكل صراحه

تـــحـــيـــاتــى



[SIZE="4"]
السلام عليكم ورحمة الله و بركاته

أولا .بشكرك على الموضوع الجميل جدا جدا . و أرجو المعذرة عشان عندي رد كبير شوية و دي طبعا وجهة نظري الشخصية

على فكرة هو كلامك بيكون رد فعل بعض الشباب.يعني في شباب بيمشوا مع بنات بغرض التسلية فقط والنوعية دي بتكون نوعية طايشة و مراهقة فكرياً مش أكثر وفي شباب بيمشوا مع بنات و بيكونوا جادين فعلا بس بعد كده بيكتشفوا صفات و أفكار في الطرف التاني مش بتكون متوافقة معاهم . النوعية الأولي لما بيحبوا يسيبوا البنت بيقولوا نفس الكلام اللي حضرتك ذكرتيه في كلامك و دا لأنهم مش لاقين تبرير لتصرفهم فبيحاولوا يرموه على البنت و طبعا هيقولوا أيه غير أنهم يا عيني هيثقوا فيها أزاي ؟؟ و طبعا دا كلام فارغ و غير منطقي أما النوعية التانية دي مش بيذكروا البنت بأي سوء بس لو البنت حسستهم أنها متضايقة و زعلانة و حسستهم بالندم بيقولوا نفس الرد الجاهز .. هيثقوا أزاي في واحدة مشيت مع شباب قبل كده , و في نوعية تالتةأن بسميها بأسم (( القتيل الصامت )) دي بتوصل درجة حبها للبنت أنها تحس انها لو أرتبطت بالبنت ممكن تتعبها في حياتها و دا لأنهم فعلا بيكونوا مش معاهم اي شيء يقدروا يتجوزوا بيه بس حقيقي بيكونوا بيحبوا بجد ومش عندهم صبر فبيحاولوا أنهم يبعدوا في صمت و يفضلوا طول عمرهم بيحبوا البنت دي و حاسين بالندم بس غالبا البنت بتكون أتجوزت و أنجبت كمان . النوعية دي بقي عمرها ما تتكلم عن البنت بأي سوء و لو ذكرتي أسم البنت دي في وجودهم يقولوا أشعار و مديح عن صفتهاو أخلاقها.

الخلاصة أني أقدر أقول أن رأي الشاب بيكون غالباً أنعكاس لطريقة تفكيره و ظروفه مش أكثر ... لكن موضوع هثق فيها أزاي و هي مشيت معايا قبل كدة و يا تري هي مشيت مع كام واحد و يعمل فيها ناصح و مفتح و هو أكبر قفل ؟؟؟ دا كلام أجوف و اعتراف ضمني من النوعية الأولي من الشباب بأنه(عيل) و غير قادر على تحمل مسئولية